Riyadh, 14 January : British heavyweight Tyson Fury boxing te retire kurise — ekta moina pichete Ukrainian Oleksandr Usyk logot rematch hara pichete.
36 saal laga Fury Monday din laga ekta chhutu Instagram video te retire hobo laga faisla announce kurise, aru video te ekta cryptic message thaikina ase.
Fury Turpin, ekta 18th century laga dangor English highway robber aru horse thief ke refer kurise itu karone kunubai bhi najane.
Fury December 21 din Saudi Arabia te Usyk logot rematch harina unanimous faisla nimite naraaz thaikise. Usyk laga 423 punches te 179 punches lagise (42%), aru Fury laga 509 punches te sirf 144 punches lagise, mane 28% success thaikise.
Fury acknowledge kurise ki mistake to showboating beshi kurise nimite, Riyadh te May din split faisla te first fight hare pichete.
British boxing fans khan asha kurise ki Fury next Anthony Joshua logot fight kuribo, kintu itu fight bhal pora kotha hoi thakise kilebo ahibo nai hobo nishina dikha ase.
Fury itu agey te bhi retirement announce kurithakise, bishi notable August 2022 te, tai laga 34th birthday din. Kintu kunwa moina pichete tai phiribi fight kurise.
April 2022 te bhi, tai “Gypsy King” buli apuni ke retire hobo laga signal diye thakise Dillian Whyte ke ekta brutal uppercut maari knock-out kurapichete Wembley Stadium te 94,000 pora bhi bishi fans samne. Kintu retire nohoi aru aru duita fight jitise — Derek Chisora aru Francis Ngannou (ekta MMA fighter, boxing debut te) logot fight kurapichete — aru Usyk logot finally haar hobo lage.
Usyk logot haar to Fury laga career te ekla haar ase, jo tai 2008 te shuru kurise aru ekta draw American boxer Deontay Wilder logot 2018 te thaikise.
Ring magazine laga Male Fighter of the Year award jiti pichete, Usyk bhi Fury ke ekta funny style te dhanyavad dise. Duniya ke dikhai diya mutual respect pora itu dukhon friends banise.
Boxing promoter Frank Warren, jun Fury logot kam kurithakise, BBC ke janai dise ki tai Fury laga retirement announcement kurapichete tai logot kotha nohoi.
Add Comment