FC Pune City ke Bengaluru FC pora haraidese

BENGALURU, DECEMBER 1 : Friday din Bengaluru laga Sree Kanteerava Stadium te Indian Super League (ISL 2018) khel thakise. Etu ke Bengaluru FC aro FC Pune City khelise. Etu khela te 88^th minute nahua ahkete tai 2 jun Team 1-1 Goal de kena thakise. Huilebi 88^th Minute thik time te Rahul Bheke, Bengaluru FC laga pora Goal ekta dedese. Etu pora tai kan FC Pune City ke 2-1 pora haraidese koise. Etu pora tai kan Bengaluru FC Team kan edia toh Top point te ahejai kena ase. Etubi 5 point pora ahkete.

Bengaluru FC Team kan edia toh 8 ta khel khela majutte 22 points luikena ase. Aro tai kan laga bejete FC Goa kan ase. Aro FC Goa kan toh 2^nd naam te aha toh 8 bar porabi besi khel khela laga Point pora aha laga ase. Etubi 17 point te. Aro FC Pune City Team kan toh biya koilebi biya phale khoraijai ase. Kele tai kan 10 ta khel khela majutte 2 ta chetise aro 7 ta harikena 9 position te ahejaa pora.

Bengaluru FC Team kan ahebole khel toh NorthEast United logot khelibole ase. Etubi Guwahati te December 5 darek te. Aro FC Pune City toh Keral Blasters FC logot December 7 darek te khelibole ase koise.