Turkey, 18 January : Former Manchester United laga boss Ole Gunnar Solskjaer, juntu pichla tin saal opor club coaching job te nohoi thakise, Saturday din Turkish side Besiktas laga coach appoint kuri dise.
51 saal laga Norwegian Solskjaer, juntu November 2021 te United para remove kuri dise, Dutch coach Giovanni van Bronckhorst ke replace korise, juntu November last te Besiktas para sack kuri dise.
Solskjaer striker hisab te Manchester United laga jonno opor 200 appearances korise aru 1998-99 laga treble-winning side te thakise, Champions League final te Bayern Munich logot winner goal score korikina famous hoise.
Tai laga playing career khotom hobo piche, coaching te jai Molde te bishi din kaam kuri, aru 2018 te United join kuri loise.
Tai Old Trafford laga job harai piche UEFA laga technical observer hisab te kaam kurise.
Besiktas, Turkish Super Lig te aji sixth position te ase, leaders Galatasaray para 21 points piche aru second-placed Fenerbahce (Jose Mourinho laga team) para 12 points piche, juntu Solskjaer Manchester te replace kori loise.
Add Comment