New Delhi, January 18: Delhi te bhara ghor te boha manu kun khan free bijli aro pani scheme laga subidha napaikina asey Aam Aadmi Party (AAP) power te aha picheyte taikhan ke bi etu scheme under te anibo koikina etu party laga leader Arvind Kejriwal para Saturday te koisey, Delhi assembly election 2025 osor pungcha homoitey.
Saturday din te Delhi seher te ekta press conference te kotha kuwa homoitey, Arvind Kejriwal para Delhi laga bhara ghor te boha manu khan para taikhan laga problem utha tu highlight kurikina koisey, “Ami kotey bi jai, ami bhara ghor te boha manukhan lok pai kun khan para koi ki taikhan tu bhal school aro hospital laga subidha pai asey hoilebi free electricity aro water scheme laga subidha napai.”
Arvind Kejriwal para koisey, “Amikhan para saidibo ki election picheyte, bhara ghor te boha mnau khan, kunkhan bisi bhak Purvanchal region para asey, taikhan para bi free electicity aro pani laga subidha pabo.”
Delhi assembly election nimitey voting tu February 05 te hobole asey. Vote laga counting tu February 08 te hobole asey. Etu election te BJP aro Congress tu AAP ke aro third bar power te ahibole para rokhabole nimitey fight kuriasey.
Delhi eletion osor pungchithaka homoitey, Arvind Kejriwal para lead kora AAP para vote dhala laga bisi alag alag subidha announce kurisey. Jaiseki maiki khan ke moina te Rs 2,100 dibole, bura-buri khan ke free ilaj dibole aro auto driver khan ke Rs 10 lakh insurance dibole.
Arvind Kejriwal para olop din ageyte etu bi announce kurisey ki Delhi te AAP wapas power te ahisey koiley Resident Welfare Associations (RWA) khan ke security nimitey private guard hire kuribole karney poisa dibo.
Etu subidha khan tu AAP government para Delhi laga manu khan ke already dikina ahithaka subidha jaiseki government school laga renovation kora, mohalla clinics aro free electricity te add hobo.
Add Comment