Mumbai, January 19: Madhya Pradesh Cricket Association para etu saal March fale ekta cricket museum launch kuribole asey. Etu museum, kuntu Indore laga Holkar Stadium te banibole asey etu te poila homoi laga bisi cricket star khan laga yaad kuribole pariya laga bustu khan thakibo kun khan India aro Holkar team nimitey khilisey. Etu cricket star khan tu India laga first Test captain Col CK Nayudu, Syed Mushtaq Ali(kunlaga naam te Syed Mushtaq Ali T20 Trophy rakhisey), Chandu Sarwate, CS Nayudu, Khandu Rangnekar, Denis Compton asey.
Etu khobor ke confirm kurikina MPCA president Abhilash Khandekar para Bhopal laga Times Of India (TOI) ke enaka koisey, “Hoi, MPCA tu bisi joldi first cricket museum banaikina complete kuribole osor pungchiasey. India laga first Test captain aro all-time icon CK Nayudu tu Indore para thaka nimitey, etu cricket museum tu Indore laga Holkar Stadium te Holkar laga cricket legacy te ekta bhal tribute hobo. Amikhan tu donate kora manu khan para yaad kora laga saman khan collect kuriasey. Aro bisi-bisi players khan laga support lagiasey.”
Tai para agey barikina koisey, “India te amikhan first state association asey kunlogotey nijor laga museum thakibole asey, aro central India te bi.”
Etu bich te, Mumbai Cricket Association, kun para Sunday din te ekta alishan function organize kurisey Wakhede Stadium laga 50th anniversary manabole nimitey, taikhan bi joldi hi nijor laga nuseum launch kuribole asey.
MCA laga ekta source para reveal kurisey, “MCA tu Municipal Corporation of Greater Mumbai (MCGM) para ekbar permission pa picheyte taikhan laga museum launch kuribole thaka tu announce kuribo, etu moina te nohoiley February taak te.”
Add Comment