Karnataka, 23 January 2025: Sri Rama Sene members khan pra ekta salon ke nuksan punchai dishey Karnataka laka Mangaluru jaka te aji, alleged ‘illegal activities’ laka opor te. Group toh, Sri Rama Sene activist Prasad Attavar pra lead kura toh jaka te gusi jaishey aro furniture aro saman khan sop biya kuri dishey, glass khan b, illegal activities hwa nimite salon te. Taikhan pra koishey salo toh ‘ Colors Unisex Salon’ nam toh ekta massage centre thaki shey kute immoral activities khan hoi thake. Targeted centre toh chulai kina, taikhan demand kuri shey pura massage centre Mangaluru across thaka toh bon kuribo leh.
Police khan pra press note release kura hisap te, 9 -10 manu laka groups khan “unlawfully” Colors of Unisex Salon laka jaka te gusi jaishey 11:51am nishina te aro jaka te sop saman biya kuri dishey Aditya Complex osor te, Bejai KSRTC. Police khan pra statement te koishey, taikhan allegedly staff khan ke muk pra gali dishey, aro accuse kuri shey immoral activities khan kura laka, aro dhamki dishey taike ke harm kuribo leh. Taikhan laka hisap pra, group toh reportedly salon te saman khan aro alak equipments khan phikai shey aro biya kuri dishey. Statement te aro koishey, duita staff members khan ke etu hwa time te assault kuri shey. Ekta intruders toh dikhi paishey incident toh camera te record kuri thaka.
Police khan pra case register kuri shey Barke Police Station te, salon malik pra complaint kura opor te aro investigation shuru kuri shey etu jhamala te sabo leh. Taikhan Attavar ke b custody te loishey. Deputy Commissioner of Police, Mangaluru, pra koishey taikhan incident toh investigate kuri ase further details rukhi ase.
Add Comment