KOHIMA, DECEMBER 2 : Civil Secretariat, Kohima osorte 8th Edition Hornbill Half Marathon 2018 toh 2nd December 2018 te thakise. Etu ke Mikiyas Yemata, Ethiopia 1st luise aro chetise. Etubi 1 khuntha 12 Minutes aro 51 seconds time te thik punjikena. Etu bejete I. Mosa Chang toh 2nd place te ahese. Etubi 1 khuntha 13 minutes aro 16 seconds time te thik punjikena. Aro 3rd place te Hempao M pora luise koise.
Etu Ethiopian Mikiyas Yemata, 26 sal dangor toh khali etu Hornbill Marathon te hi cheta nahui. Huilebi boila Bengaluru Marathon, Tura Half Marathon aro tusera kan te bi cheti kena aha laga ase. Huilebi tai etu 21.097 km Hornbill Half Marathon te hisha kura toh ahke wala ase. Aro tai etu ke hisha kurikena kinika ase etu kan tai khushi pora kotha janaise. Etu ke tai etu Hornbill Half Marathon te hisha kura toh besi bhal wala ase. Huilebi tai besi diktar bai kena thakise. Kele etu jaka toh besi uthja aro rasta kan besi nahua thaka pora. Etu karne tai etu jaka laga Athletes kan toh (Kheladi) besi kithara kan ase koi kena janaise. Tai bi etu Hornbill Half Marathon te ahebole laga kebi hisha kuribole kusis kuribo. Aro etu karne tai uthja jaka te practice kurikena ahebo. Nahuile besi diktar ase koi kena janaise. Tai bi ahebole laga Summer Olympics te hisha kuribole babuna kuri ase koise.
Etu Hornbill Marathon te sob melai kena 133 jun hisha kurikena thakise. Etu ke 3 jun toh Ethiopian kan thakise. Aro etu ke 1st ula manu ke Rs. 50,000 dese, 2nd ula ke Rs. 20,000, 3rd ula ke Rs. 10,000 aro 4th ula ke Rs. 5000 dedese koise. Etu oporte etu poisa logot melekena Certificates bi dedese koise.
Add Comment