February 01, 2025, 07:24 PM: Palestinian laga militant group Hamas para teent Israeli hostage khan ke Saturday tey Israel ke di dishey, aru dozen para bhi bishi laga Palestinian prisoner khan aru dhuri kena rakha manu khan ke, exchange kuria homoi tey release kurishey, itu latest ekta truce laga stage tey, itu 15 muhina laga war toh khotom kuria tey, Gaza tey.
Ofer Kalderon kun toh hoiley ekta French-Israeli dual national asey aru Yarden Bibas ke itu Red Cross official khan ke di dishey, itu southern Gaza city tey, Khan Younis laga, Israel ke transfer nakuria agetey. Israeli-American Keith Sieegel ke alag para loi jai kena dishey, itu Gaza City laga seaport tey para.
Olop ghanta pichetey, 183 Palestinian prisoner khan aru dhuri kena rakha manu khan ke release kuri dishey, itu exchange tey. Tai khan majetey, 150 khan toh Gaza tey punchishey, aru 32 khan toh bus para nichey namishey, Ramallah tey, itu occupy kuri kena thaka West Bank tey, kotey tai khan ke bhorta manu khan para jama thaki kena greet kurishey. Ekta free hoi jawa prisoner ke toh hoiley Egypt tey loi jaboley asey, itu Hamas prisoner khan laga media office laga hisap tey.
“Moi khushi lagi asey itya, bishi dukh pai kena ahilebi,” Ali Al-Barghouti para koishey, kun toh hoiley duita life sentence serve kuri thakishey, ekta Israeli jail tey.
Add Comment