February 01, 2025, 08:04 PM: Itu Army para toh hoiley itu maiki pilot muri jawa laga naam janaboley manna kurishey, kun toh hoiley itu military helicopter tey thaki kena muria laga thakishey, ekta passenger jet logotey laga-baji kuri kena akaas tey para, Ronald Reagan Washington National Airport tey fly kuria homoi tey, Wednesday tey, January 29th tey. Tatey itu ghatna tey muri jawa laga duita soldier khan laga naam toh reveal kurishey, itu Army para koishey, itu pilot laga parivar para toh hoiley utu maiki pilot laga identidy toh public nabanaboley karney koishey koi asey.
“Staff Sgt. Ryan Austin O’Hara kun toh hoiley 28 saal laga manu asey, Geogia laga Lilburn para, tai toh hoiley pending positive identification thaki kena muria laga thakishey. Itu 39 saal laga Chief Warrant Officer 2 Andrew Loyd Eaves laga remain khan, Great Mills, Maryland, laga, aru bhi recover kuriboley baki asey, itu nimitey, duty status laga aata-pata toh unknown thaki kena asey (DUSTWUN)”, itu website para koi asey.
Tai khan para aru koishey ki, “itu parivar laga request tey, itu third soldier laga naam toh hoiley release nakuribo, itu homo tey. Itu pilot bhi DUSTWUN asey koi kena koishey”.
Add Comment