New Delhi, February 01: Union Finance Minister Nirmala Sitharaman para Saturday, February 1, 2025 te tailaga 8th budget present kurisey. Etu Budget announcement para desh laga middle class khan nimitey bisi jaruri announcement anisey. Etu budget majotey sobsey bisi discuss kora development tu Rs 12 lakh taak income tax nolobole laga asey.
Finance Minister laga hispa te, etu Finance Bill te aha hapta discussion kuribole asey.
Union Budget 2025 laga jaruri Highlights tu etu khan asey”
- Nutun Tax Update: Nirmala Sitharaman para Budget 2025 laga announcement te tax rates bodli kuribole proposal rakhisey, kuntu te Rs 12 lakh taak income thaka manu khan laga income tax rate zero hobo.
- Capex: India laga capital khorcha(Capex) tu Rs. 11.21 crore te barijaisey
- Bihar Makhana: Budget 2025 laga announcement te India tu Bihar te ekta Makhana Board banabole laga plan thakisey.
- Job Scheme: Modi 3.0 government para etu scheme laga through desh te 22 lakh job anibole paln kuriasey.
- UDAN Scheme: Government para UDAN scheme laga ekta nutun version bi launch kuribole plan kuriasey.
Add Comment