Kohima, 2 December: North Eastern states laga sob 26 students aro seven teacher toh Assam Rifles laga pethor deh Shillong jaga pora Dehi aro Agra deh log koribole jaise. 01 pora 11 December 2018 tak log (visit) kora time deh, tai khan leaders aro personalities khan logode log kora thakibole ase. Student khan be Delhi aro Agra jaga laga phal jaga khan deh log kora thakibole ase. India laga sobse purna Para Military Force, Assam Rifles ke “The Sentinels of North East” pora jani aro tai khan student aro teachers khan ke saijai kena loijaise. Junideya student aro teacher khan toh Arunachal Pradesh, Assam, Manipur, Meghalaya, Mizoram, Nagaland aro Tripura laga ase. Saturday din HQ DGAR, Shillong jaga deh grand ceremony thaga time deh Lt Gen Sukhdeep Sangwan, SM**, Director General Assam Rifles pora flag off kora thakise. Etu time deh tai pora kowah toh, etu tour pora lamba jewan tak karni inspire hobole biswas kori ase. National Integration Tour laga aim toh North Eastern States laga youth khan logode hekhabole aro putli koribole laga ase. Aro desh rich heritage debole laga ase. Etu tour pora Delhi aro Agra jaga laga alag-laga historical monuments aro tusara kaam laga landmarks deh janibole paribo. Tour time deh alag-alag leaders aro personalities- Hon’ble President of India, Union Minister of State (Home), Chief of Army Staff aro Mr Gautam Gambhir nesana khan ke log koribole chance pabo. Etu pora youth khan laga demak putli hobo aro work hard koribole bhabuna hobo. Tour deh hesha thaga sob manu toh ektum kushi powah thakise aro etu tour toh 46 Assam Rifles laga Capt Karan pora lead koribole ase. Etu tour toh first time ase sob North Eastern states khan eki logode melikena lowah toh. Tai khan tusara state laga counterpart logode nejor laga cultures, aspirations aro challenges share koribole aro highlight koribole chance pabo. India laga tuita main cities aro famous leaders aro personalities khan logode log kora bechide, tai khan khor deh korai ahhibole ase.
Add Comment