New Delhi, February 04: Rajkummar Rao para Monday din te tailaga nutun Netflix te release hobole thaka film ‘Toaster’ announce kurisiley. Etu film tu tailaga actor-maiki Patralekhaa para produce kurisey. Etu movie te Sanya Malhotra, Archana Puran Singh, Upendra Limaye, Farah Khan, Abhishek Banerjee aro Seema Pahwa bi asey. Etu film ke Vivek Das Chaudhary para direct kurisey. ‘Toaster film laga kahani tu murder aro tabahi laga bich te toaster te thaka ekjun kanjoos manu laga bari te asey. Etu tu Patralekhaa para tai aro Rajkummar Rao laga banner Kampa Films under te produce kora first film hobole asey. Etu film laga ekta khata video bi Netflix laga official handle te fans khan ke dikhaisiley.
Etu film te Rao ke Malhotra(kunlogote tai The First Case film kurisey), Banerjee(kunlogotey Stree film kurisey) aro Pahwa(kunlogotey Bareilly Ki Barfi kurisey) taikhan logotey aro ekbar eksath ani asey.
Rajkummar Rao para Netflix laga 2025 slate announcement te enaka koisey, “Amikhan para etu script tu sob ke pathaisey kilemaney amikhan laga haath te ki asey etu bhal lagi asey. Sob para etu script purisey aro taikhan para bharosa kurisey ki etu(script) amikhan para ahi asey koiley etu thik hey hobo. Amikhan ekey logotey kaam kurisey etu nimitey amikhan jani thakisey ki amikhan aro ekbar ekey logotey kaam kurikina bisi moja lagibo.”
Patralekhaa kun ke akhri bar Netflix series IC 814: The Kandahar Hijack te dikhisiley, tai para koisey ki ‘Toaster’ te kaam kurikina taikey bisi moja lagisey. Tai para koisey ki tai para Rajkummar Rao ke etu film banabole breakfast kurithaka homoitey manaisey.
Etu film laga alava, Rajkummar Rao ke next Guns and Gulaabs, Bachpan Ka Pyar, Maalik aro Karan Sharma aro Aditya Nimbalkar laga etya taak naam nathaka film khan te bi dikhibole asey.
Add Comment