New Delhi, February 04: The Great Indian Kapil Show laga duita successful season picheyte, actor aro comedian Kapil Sharma tu etu show laga third season logotey wapas ahibole asey. Netflix para ekta khata video te etu show laga nutun season officially announce kurisey.
The Great Indian Kapil Show Season 3 laga announcement video share kora logalog, fans khan para taikhan laga khusi jatabole nijor ke rokhabole paranai aro eman bisi comment kurisey.
The Great Indian Kapil Show laga first season tu juwa saal March laga last weekend te suru hoisiley. Kuntu te Ranbir Kapoor, tailaga ama Neetu Kapoor aro bhuini Riddhina Kapoor thakisey. Season 1 tu 13 weeks taak chulisey aro Kartik Aaryan aro tailaga family logotey khotom hoisey, kuntu te tailaga ama special guest thakisey.
Second season bi joldi Semptember te suru hoijaisey. Kotey Jigra film laga team, Alia Bhatt, Karan Johar, Vasan Bala Vedang Raina thakisey. Season 2 bi 13 episode picheyte khotom hoisey. Last episode te Baby John film laga team Varun Dhawan, Keerthy Suresh, Wamiqa Gabbi, Atlee aro Kalees thakisey.
Add Comment