Agartala, February 6, 2025: Yete 2024 laga last choita moina nishina te, 140 Drugs mafia khan nishina ke Courts khan para ulai dishe koishe Sepahijala District te. Yete bishi manu khan ke chari dishe koishe, taikhan logote drugs thakhi kina durikina bi, yete Police khan para Prove khan kuribole naparea nimete. Kunba toh ulai dishe koishe, Police khan Filing Charge sheets khan toh diri hoa nimete, kunba toh court para ulai dishe, yete Police khan Evidence khan bhal para nathakhea karne. Aru kunba te toh yete dikhea manu khan toh court laga ageate ahibole napare karne.
Yete kunba khobor hisab te, police khan ekila nahoi kina, yete Judiciary khan bi network thakhea nishina etu scam te. Aru yete PPs aru APPs khan ke bi court para dismissed kuri dishe koishe Sunamora, Bishalgarh aru alak districts khan tebi. Aru Judges khan laga upor te eku action khan bi loa nai koishe.
Ageate bi Myanmar te thakhea laga Drug Mafia ke bi North Tripura Court para chari dishe koishe aru tailaga Country tea ram para jaishe koishe. Aru ja saal tebi duita Myanmar manu ke durishe koishe, Drugs bishi thakhi kina, aru yete ekjun ke toh chari dishe koishe aru Myanmer te wapas jaishe koishe. Yete Judicial khan ke manu khan question uthai ase koishe
Add Comment