Mizoram, February 6, 2025: Yete February 6 din te, Officials khan para koishe ki, Yete Mizoram te 3da Myanmar Manu aru ekta Assam ke arrest kurishe koishe, yete taikhan laga haat para Methamphetamine Tablets aru Heroin drugs thakhi kina.
Excise Department Spokeperson Peter Zohmingthanga para koishe ki, taikhan 20,200 Methamphetamine Tablets, 2.2 kg laga toh Tuesday dinte durishe koishe, yete taikhan Assam Rifles Zote Tiau Bosti te thakhea laga aru Excise officials khan mili kina Myanmar Border laga osor Champhai district te operation kurishe koishe.
Methamphetamine Tablets ke ‘Pakala Drugs’ Koikina matea koishe, aru etu toh India te banned ase koishe. Methamphetamine laga druhs toh bishi khatar nak ase koishe aru addict hobole bishi chance ase koishe, etu toh Central Nervous System ke affect kurea koishe. Myanmar laga Chin State para thakhea manu toh Sumlamthang ase, aru tai toh 35 saal asse koishe, aru alak toh Zamngaihno ase, aru tai toh 36 saal ase koishe. Tai dujun ke Osor country para durgs ani kina durishe koishe.
Aru alak operation, Tuesday rati te, Excise Officials khan para 246 grams Heroin drugs toh durishe koishe, Aizawl osor Khatla jaga para. Yete 3da manu laga haat para durishe koishe.
Kapchina (34), Myanmar laga Khawmawi Bosti, Chin State te thakhea manu, aru Naman Uddin (32) toh Assam laga Karimganj District, Eraligool Bosti te thakhea koishe. Taikhan sobke case te registered kuri dishe koishe.
Add Comment