Assam, February 9, 2025: Yete Saturday din te Narcotics, Government Railway Police khan operation kurishe koishe, Train No. 12423 DN New Delhi Rajdhani Express Guwahati te.
Yete etu operation te, taikhan para sob milai kina 17.8 kg nishina Ganja toh durishe koishe duita passenger laga bag para. Yete etu saman khan toh duita alak alak dab ate packing kuri kina thakhishe koishe, yete 10.407 kg aru 7.394 kg thakhishe koishe.
Yete etu manu toh Sonu Mishra ase, aru tai toh 29 saal ase koishe, aru Monoj Kumar toh 27 saal ase koishe, duijun bi Uttar Pradesh laga Ghazipur te thakhea manu ase koishe, taijun ke jaga jaga par arrest kuri loishe koishe. Aru ahibole laga homoi karne tarika khan lobole kaam khan kurea ase koishe.
Aru Basistha Police Station aru Special Task Forces khan mili kina operatrion kurishe koishe, Guwahati laga Nalapara te, yete taikhan duita manu Akash Swargiary ase, aru tai toh 25 saal ase, tai toh Kamrup laga Pamohi para ase koishe. Aru alak wala toh Robert Basumatry ase, tai toh 25 saal ase koishe, tai toh Udalguri laga Harisinga, No. 1 Fasia para ase koishe.
Tai dujun laga haat para 4.57 kg ganja toh durishe, 3da Mobile phones aru Rs 5,800 poisa bi paishe koishe. Duita manu kebi jail te loi jaishe koishe.
Add Comment