February 9, 2025: Feruary 8 din te, Manipur Police khan para 3da militants group ke durishe koishe, taikhan sob bi alak group para ase koishe. Taikhan ke Imphal-West Districts para durishe koishe. Duijun toh United National Liberation Front para ase koishe, aru taijun ke Imphal-West District, Chandranadi Bosti laga Narankomjil laga osor para arrest kurishe koishe.
Yete arrest kurea manu toh Khoisnam Ronaldo Singh ase koishe, aru tai toh 23 saal ase koishe, aru Soram Ngouba Meitei ase, aru tai toh 30 saal ase koishe. Yete taijun toh manu khan ke, Government officials, Dukan malik aru alak Greater imphal jaga khan te manu khan ke damki di thakhishe koishe.
Aru taikhan laga haat para Police khan, ekta .32 pistol aru Magazine, ekta bike, duita mobile aru Wallet te Rs 3120 paishe koishe.
Aru alak Operation tebi Police khan para RPF/PLA khan ke arrest kurishe koishe. Ningthoujam Khamba ke, tai toh 52 saal ase koishe. Tai toh Nagamapal Kangjabi Leirak Machin laga osor Public Toilet, Imphal West District para arrest kurishe koishe. yete tai toh Nagamapal aru Uripok jaga laga rented ghor aru Dukan khan te damki dikina poisa khan magi thakhishe koishe. Yete tai laga haat para ekta bike, duita mobile handset aru wallet te Rs 510, aadhaar card khan durishe koishe.
Add Comment