February 10, 2025, 06:10 PM: Mon District Road Safety Committee para ekta Seminar organize kurishey,, Road Safety 2025 opor tey, 8th February 2025 tey, Mon laga Town Councill Hall tey para, itu “Parwaah Karenge, Surakshit Rahenge” (We Care, We Protect) laga theme logotey. Mon laga Additional Deputy Commissioner – Pakon Phom para itu programme tey special guest hisap buhi kena grace kurishey.
Itu special guest ppara highlight kurishey ki, itu seminar laga aim toh hoiley awareness promote kuriboley karney asey, raasta laga safety opor tey aru bishi raasta khan tey accident hoi thaka toh komti kuriboley karney asey. Tai para itu participant khan ke urge kurishey, aru bhi careful hoboley karney aru bhal para aware hoboley koishey, itu traffic rules khan laga.
Kanchan Kumar Kandpal (IPS), SP Mon & Member DRSC para bujaishey Traffic Rules laga opor tey aru Traffic Rules laga importance opor tey bujaishey. Tai para state kurishey ki, ekta simple mistake para bishi serious ghatna khan hoi jai koi kena aru itu participant khan ke bhal para tyaar thakiboley encourage kurishey, aru nijey laga life toh bhal para bachi kena chuliboley koishey aru manu laga bhi.
Add Comment