Agartala, February 13, 2025: Yete sobse nutun jamala te, Goining Para Reang Refugee Camp, New Gomati ADC Bosti, Karbook laga Bitor te thakhea laga. Reang Young ke bia para kati kina murai dishe koishe.
Police khan laga khobor hisab te, Monkima Reang (29), toh Goining para Camp laga youth aru inmate ase koishe, taikhe muri kina panni laga pool te paishe koishe. Tai laga body te kata katea laga dakki bishi thakhishe koishe. Yete Police ke khobor toh janai dikina taikhan etru jag ate phat ahishe koishe. Aru etu body ke Natun Bazar Hospital te loi jaishe koishe Post Mortem nimete.
Khobor hisab te etu Youth Monkima Reang ke, country para bana laga chaku para marishe koishe, aru taike camp laga osor Ghas laga niche te dali dishe koishe. Yete Police khan para 3da camp manu ke arrest kurishe koishe. Aeru taikhan ke Natun Bazar Police Station te loi jaishe koishe. Etea tarika khan kurea ase koishe , aru bishi diri nahoi kina Court laga agea te loi jabole ase koishe.
Add Comment