February 14, 2025, 07:01 PM: Itu Longleng District Planning aru Development Board (DPDB) meeting loishey, 13th February, 2025 tey, itu Longleng laga Deputy Commissioner aru DPDB laga Vice Chairman – W. Manpai Phom, NCS laga chairmanship under tey, kuntu toh hoiley Longleng laga DPDB laga hall tey para loishey.
Itu jawa muhina laga meeting laga olop homoi review kuri kena, itu house para di kena thaka agenda khan opor tey kotha khan kurishey aru itu concern department ke forward kuri dishey, approval nimitey, itu Government para. Bosti laga naam khan budli kuriboley, Alayong ke Alayung kuriboley laga recommend kuri dishey aru forward kuri dishey approval nimitey.
Government Middle School khan aru Government High School khan tey Teacher khan komti hoa laga discuss kurishey, Longleng District tey. Longleng laga Senior SDEO para itu Teacher khan komti hoa laga list toh submit kurishey, alag alag Stream khan/ Subject khan laga, itu house ke. Kuntu pichetey itu house para itu matter ke forward kuriboley raazi hoishey opor tey pathaboley karney, kaam toh execute kuriboley.
Add Comment