Olympic Wrestler Sushil Kumar ke Delhi High Court para bail dishey

New Delhi, 4 March : Delhi High Court te Tuesday din Olympian wrestler Sushil Kumar ke bail diye ase, jun ki junior national wrestling champion Sagar Dhankar laga murder case te main accused ase.

Bail order hisab te, Justice Sanjeev Narula laga bench Sushil Kumar ke bail dibole faisla kuri dise, tai Rs 50,000 laga bail bond aru dui jon surety dibi lagibo, same amount te.

Sushil Kumar aru usorte thaka manu khan, May 4, 2021 te city laga Chhatrasal stadium laga parking lot te, Haryana laga Rohtak te thaka former junior national wrestling champion Sagar Dhankar, tai laga dui jon bondhu Sonu aru Amit Kumar ke mari dise koi ase, ekta property dispute nimite. Tai June 2, 2021 para judicial custody te thakise. Pichite, tai laga baba laga last rites kuribole aru tai laga torn ligament surgery kuribole interim bail pua thakise.

Dhankar, Sushil Kumar aru tai laga accomplice khan laga maar khaikena injuries nimite mori jaishe. Post-mortem report hisab te, blunt object laga impact nimite cerebral damage hoi jabole karone tai mori jaishe.

Dhankar mori jain pichite, Sushil Kumar 18 din police para laiki thakise. Itu time te, tai Punjab, Uttar Pradesh, Uttarakhand aru Haryana te jaishe koi Delhi Police officials khan koi thakise. Last te, Delhi laga Mundka area para arrest hoi jaishe, jun time te tai taka lobole ahi thakise aru ekjon national-level player para scooty borrow kuri thakise. Arrest hoa pichite, tai laga Railways job para bhi suspend kuridi thakise.

October 2022 te, trial court te Sushil Kumar aru 17 jun accused upor charges frame kuridi thakise aru trial shuru hobole stage set kuridi thakise.

Additional Sessions Judge Shivaji Anand, Sushil Kumar aru baki accused khan upor different Indian Penal Code laga sections te charges frame kuridi thakise, murder, rioting aru criminal conspiracy milaikena. Delhi Police laga charge sheet hisab te, Sushil Kumar ke itu pura murder conspiracy laga kingpin hisebe mention kurise.

Sushil Kumar, 2008 Beijing Olympic Games te bronze medal aru 2012 London Olympic Games te silver medal jiti thakise.