Guwahati, 4 March : Assam Cabinet, Chief Minister Himanta Biswa Sarma laga leadership te, state majote private university establish kuribole notun strict regulations enact kuri dise. Itu faisla, Tuesday March 4 din Lok Sewa Bhawan te announce kuri dise, aru Assam Private University Act majbut kuri lobole aru irregularities aru security risks laga concerns address kuribole ase.
Notun regulations majote, national security clearance mandatory kuri dise private university establish kuribole agey. Chief Minister Sarma koi dise ki sirf land aru infrastructure thakibole approved hobo nai. “Security clearance national security perspective para absoi lagibo, aru itu clearance Home aru Political Departments para dibi,” tai koi dise.
Aru bi, Cabinet private universities khan ke state laga secular ethos uphold kuribole emphasize kuri dise. Jodi kunuba university religious conversion te direct nahibole indirect involve paise, tai laga registration cancel kuribo. “Universities khan secular approach maintain kuribole lagibo. Tai khan kunuba dhoror religious conversion te involve hobo napare,” Sarma warning dise.
Idu notun strict regulations USTM (University of Science & Technology Meghalaya) opor scrutiny thakibole time te ahi ase, jun ERD Foundation para cholai thakise. Itu institution malpractice allegations majote ase, aru founder Mahbubul Haque, jun USTM laga Chancellor bhi ase, judicial custody te ase. Tai opor accuse kuri ase ki Central Public School, Patharkandi te (jun ERD Foundation manage kuri thakise) students khan ke unfair examination practices te help kuri thakise.
Add Comment