Aizawl, 4 March : Mizoram Chief Minister Lalduhoma, jun General Administration Department (GAD) bhi oversee kure, March 3 te koi dise ki, state laga various departments te proxy employment laga kono record nai.
Thorang MLA R. Rohmingliana (MNF) laga query reply di thaka somoy, Chief Minister koishe, “Government employees khan jun proxies thakise, taikan ke grace period di thakise aru nijor official duties resume kuribole instruct kuri dise. Jodi eku department te itu pora violate kura pai jaye, taikan logote taikan laga officer in charge bhi consequence face kuribo.”
Tai emphasize kuri dise ki, bishi time di dise adjust kuribole, aru jodi comply nokore, leniency expect nokoribo. “Sabka fair opportunity di dise, jodi ignore kure, taikan punishment upor complain nokoribo pare,” tai koishe.
Lalduhoma aro koishe ki, sob department te ekta Service Review Committee setup kuri dise. Jodi dorkar hoi, itu committee ekta special voluntary retirement scheme introduce kuribo employees khan nimite jun kaam kuribole unable ase. “Ami laga aim ase ki, jun kaam kuribo napare, taikan dignity logote retire kuribo pare,” tai koishe.
Home Minister K. Sapdanga bhi House te inform kuri dise ki, Mizoram Police te 4,480 posts ase, kintu fund shortage nimite government sif 200 posts fill kuribo paribo. Lalrinsanga Ralte laga question reply kurithaka somoy, Home Minister janai dise ki, Police Manual hisab te men nimite height requirement 168 centimeters ase, ST men nimite 163 centimeters, aru ST women nimite 153 centimeters ase.
Chief Minister Lalduhoma introduce kura Mizoram Goods and Services Tax (First Amendment) Bill, 2025, Legislative Business te debate nahoile bhi pass kuri dise.
LESDE Minister Lalnghinglova Hmar introduce kura Mizoram Youth Commission Bill, 2025 bhi approval pai jise, kintu tai introduce kura aru ekta bill—The Mizoram Private Placement Agencies (Regulation) Bill, 2025—Opposition party laga support nohoile bhi pass kuri dise, karon opposition party taikan House pora walk out kuri dise.
Add Comment