Seoul, March 11: South Korean singer aro songwriter Wheesung ke northern Seoul te thaka tailaga ghor te murikina thaka paisey koikina police para Monday te janaisey. Tai tu 43 years laga thakisey. PTI laga hisap te, police aro fire official khan Korean timing hisap te 6:29pm (Indian timing hisap te 2:59 pm) te pungchisey, etu singer laga family para report pa picheyte. Etu report te agey barikina enaka koisey ki authorities khan para Wheesung laga mora laga karon tu investigate kuri-asey, kunlaga full naam Choi Whee-sung.
Wheesung laga talent agency para tailaga murija tu confirm kurikina ekta statement issue kurisey.
Etu statement te enaka koisey, “Amikhan ekta monbikhaidiya aro dukh kuridiya laga khobor share kuribole bisi biya lagi asey. March 10 te, amikhan laga morom thaka artist Wheesung murijaisey. Taikey Seoul te thaka tailaga ghor te cardiac arrest laga halat te paisiley aro picheyte murisey koikina declare kurisey. Tai achanak para murija para tailaga family, Tajo Entertainment te thaka tailogotey kaam kora artist aro amikhan laga pura staff tu bisi mondukh te asey. Amikhan bisi dukh para Wheesung ke hodai support kurithaka aro morom kurithaka fan khan logotey etu khobor share kuriasey. Amikhan para apnikhan ke taikey apnilaga bhabna aro prathana te yaad kuribole binti kuriasey taki tailaga aatma shanti para aram kuribo paribo.”
Add Comment