Bomdila, March 12, 2025: Monday laga rati phane, Bomdila Policekhan para West Kameng District laga Durga Mandir osor 64 jaga te, duita drugs bika manu ke durishe koishe.
Khobor huni kina, Police khan rati 8:30 phane, Eon Gari ( Assam Registration) 64 jaga te rukhai she koishe, aru yete duita manu laga haat para, Chips laga packet te Heroin drugs toh paishe, etu duita manu toh Mah Madul Hassan aru Farhan Ali ase koishe, tai dujun bi Assam laga Sonitpur District te thakhea koishe.
Bomdila laga PS OC Sub-Inspector Nima Tsering para koishe ki, taikhan Gari ke rukhai she aru taikhan laga haat para 8 dapa te Heroin drugs paishe. 3da Mobile Phone aru Rs 8,000 poisa bi paishe koishe.
Khobor Hisab te, etu manu duita toh, Bomdila te drugs bikabole jai thakhishe koishe. Police khan etea etu drugs kinibole laga manu khan ke bisarea ase koishe.
Add Comment