Manipur, March 13, 2025: 2025, March 12, Wednesday din te, duita alak alak operation te. Manipur te Security Forces khan para 3da manu ke arrest kurishe koishe, yete Ekjun toh Myanmar Manu ase koishe, taikhan laga haat para Drugs khan durishe koishe.
Security Forces khan para Hery ke arrest kurishe, tai toh 32 saal ase, aru tai toh Myanmar laga Tamu te thakhea manu ase koishe. Taike Tengnoupal District laga Nutun Shijang Bosti para durishe koishe, tai toh Bike para Haolenphai te jai thakhishe koishe. Authorities khan para 4.4kg WIY Tablets , Mobile Phone, Bike aru MSF Appointment card khan tai laga haat para uthai loishe.
Aru alak operation te, Manipur Police khan para duita manu ke arrest kurishe, Thao David Chothe (21) aru Yulung Jefferson Chothe (23) ke, taikhan ke Imphal West District laga Winger Parking jaga, North AOC para durishe koishe, taikhan laga haat para 47.6 kg Ganja durishe.
Authorities khan parabi State te Anti-Narcotics operations khan toh uthai dishe koishe, yee Drugs tarika kurea khan ke rukhabole.
Add Comment