Agartala, March 13, 2025: Tripura laga Leader of Opposition Jitendra Choudhuri para yete BJP khan ke Bodnam kurea ase, State te Drugs laga tarika khan bishi uthea nimete. Yete Youth khan laga Future khan bia kuri dea ase. NCRB laga Data sai kina, tai para koishe ki, etea Tripura laga state toh etea Sobse bia rank te ase koishe, yete Drugs Chula lagate, aru Youth khan ke bishi bia kuri dea ase.
Etu laga Jawab te Chief Minister Dr. Manik Saha para koishe ki, Tripura etea Crime Rates phane sobse niche te ase koishe, Hoilebi aru Choudhuri para koishe ki, State te sobse bishi crime khan toh maiki khan ke hoi, yete bacha khan ke kidnap kurea aru kinaki murea najane koishe. Tai para etu khan te jakara kuri kina, Government khan Social Security aru Economic Stability rakhibole fail hoishe koishe kina koishe.
Tai para BJP Government khan kebi bodnam kurishe, yete taikhan Public manu khan laga duk toh nahunea koi kina, aru koishe ki, etea manu khan bishi lagea laga Panni aru Electricity nimete Protest kurea toh hudai hoi ase koishe.
AIDWA event te kotha kurea te, Choudhuri para maiki khan ke lead kuribi koishe, yete BJP khan ke larai kuribole, kile mane maiki khan toh Tripura laga Ada population nishina thakhea nimete.
Add Comment