New York, 13 March : Kim Kardashian aru Khloe Kardashian itu laga reality show The Kardashians laga latest episode te India te Anant Ambani aru Radhika Merchant laga wedding ceremony attend kuribo para kotha kuri thakise. Kim to Nita Ambani logote tai laga interaction recollect kuri thakise aru groom laga mother ke Kris Jenner logote compare kuri dise.
Episode te Khloe Ambani family laga kotha kuri thakise aru koi thakise, “Moi itu point out kuribo chaibo ki itu family tai laga manu khan karone wedding te ahi thaka homoi te kiman bhal kaam kurise. Tai khan alak-alak din te good deeds kuri thakise. Ek din te tai khan 5,000 manu laga groceries ekta saal karone pay kuri dise. Aru aru ekta din te 2,500 manu laga wedding expenses pay kuri dise. Tai khan laga wedding to bishi opulent ase kintu tai khan really great way te giving back bhi kuri ase.”
Kim to Nita Ambani ke thank you koi thakise invitation karone. Pichete Kim add kuri dise, “Nita Ambani, tai groom laga mother ase. Tai to Ambani family laga Kris Jenner nisena ase.” Khloe koi dise, “Tai to sob manu ke pichete chari dise aru moi laga life te met kura manu khan te tai laga hand to bishi soft ase. Seriously! Tatums pora bhi softer.”
The Kardashians laga clip te Kim ke Nita Ambani laga hand dhori thakise aru main area te groom aru bride ke meet kuribo karone jai thakise. Khloe to koi thakise ki tai Kim ke itu moment enjoy kuribo karone let kuri dise aru tai laga pichete chali thakise.
Ambani wedding to last saal te ekta star-studded affair hoise. Itu te bishi Bollywood celebrities khan attend kuri dise, juntu te Priyanka Chopra aru tai laga husband Nick Jonas, Shah Rukh Khan aru tai laga wife Gauri Khan, Amitabh Bachchan aru tai laga family, Salman Khan, Ranbir Kapoor aru Alia Bhatt, Janhvi Kapoor aru bhi bishi manu khan thakise.
The Kardashians to ekta American reality television series ase jun Kardashian–Jenner family laga personal lives opor te focus kuri thakise.
Add Comment