Shillong, March 17, 2025: Yete Ekta bia khobor te, 13 saal bacha toh Meghalaya para ase, aru tai toh murishe koishe, aru yete 29 alak students khan toh unauthorised Hostel te thakhea ase koishe, etu toh Mandya District laga T Kagepura Bosti te Private School para chulai ase koishe Kartanaka te, yete taikhan sob ke Hospital te loi jaishe koishe, taikhan Ulti, pet bia aru dehydration hoa nimete. Yete taikha Holi Celebration laga bachea kha laga saman khan toh kha pichete hoishe koishe.
Etu murea bacha toh Sunday Kerlang ase koishe, tai toh Lyndem Bosti para ase koishe, Pynursla Civil Subdivision laga bitor te. Tai toh Class 6 te ase.
Yete Khobor hisab te, Students khan toh Karnataka te loi jaishe Rashtriya Swayamsevak Sangh (RSS) para. Aru etu toh T Kagepura Bosti te thakhea laga Gokul Education Institution khan toh, School laga First floor te Hostel chulai ase koishe, yete Infrastructure khan aru toilet khan bi bia ase koishe. Etu school te 202 students ase, aru yete 30 students khan toh Hostel te thakhea, aru bishi wala toh Meghalaya para ase koishe.
Yete school para report kurishe, etu students khan toh alak jaga para Holi Celebration laga bachea Kha laga saman (FOOD) toh paishe koishe. Aru etu laga next din 30 students khan bi bimar hoi kina Hospital te loi jaishe koishe. Sunday din te, Kerlang toh giri she, aru taikhe Medical Science te loijaishe, hoilebi tai toh murishe koishe. Aru alak 7 khan toh critical halat te ase, aru ekta toh Ventilator te ase koishe.
Mandya Police khan para Section 286 aru Section 106 of Bharatiya Nyaya Sanhita laga bitor te registered kurishe, aru yete etu jamala laga connection manu khan ke arrest kurishe koishe. Etu arrest kurea manu khan toh, kha laga pakka manu (COOK), Hostel warden ke, yete tai para bachea saman khan toh bhal para check nakuri kina bacha khan ke khilai dea nimete, aru School laga malik kebi kurishe koishe.
Karnatak Chief Minister Siddaramaiah para etu jamalte mun bikhaishe, aru Murea bacha laga family khan ke compensation bi dibo koishe. Aru DGP Idashisha Nongrang ke contact kurishele, tai para koishe ki, Superintendent of Police, Mandya para koishe ki, yete lagea laga modot khan toh District police aru Administration khan para sai dea ase koishe. Aru DGP para koishe ki, etu bacha laga body toh RSS ke dishe, aru body toh Meghalaya te wapas anishe koishe.
Add Comment