Mumbai, March 19: Bollywood actor Akshay Kumar aro Veer Pahariya laga film ‘Sky Force’ tu Jnauary 24 te, Republic Day laga occasion te theatre te release hobole asey. Etu film tu India te 113.60 crore aro duniyabhor te 149.99 crore kama laga bawajut flop hoisey. Aro etu laga reason tu etu asey ki etu film ke Rs 160 crore laga budget te banaisiley. Juwa olop din karney etu film tu online platform te kinikina sabole available thakisey. Hoilebi etya etu film ke nikinikina online platform te sabole paribole asey. Etu film ke Abhishek Anil Kapoor aro Sandeep Kewlani para direct kurisiley. Aro etu te Akshya aro Veer Pahariya aro Nimrat Kaur aro Sara Ali Khan asey. Etu film tu 1965 te India aro Pakistan majotey air strike huwa laga bari te asey. India para Pakistan laga Sargodha airbase te bomb felaisiley.
Sky Force film tu etya Amazon Prime Video te kinikina sabole available asey. Hoilebi etu hapta para, March 21, 2025 para etu film tu Amazon Prime Video laga sob subscriber nimitey release hobole asey aro poisa dikina sabole nalagibo.
Etu film tu Squadron Leader T Vijay(Veer Pahadia) laga kahani te bana asey. 1965 te , India-Pakistan majotey war huwa homoitey, Pakistan para Indian Air Force laga base te hamla kurisiley kuntu nimitey taikhan America para fighter planes paisiley. Wing Commander Kumar Om Ahuja (Akshay Kumar) para tailaga team logotey Pakistan ke jawab dibole laga responsibility paisey. Hoilebi utu homoitey Indian Air Force logotey Pakistan laga advanced fighter plane khan para komti shaktishali thaka fighter planes thaksiey. Etu laga bawajut bi, Wing Commander Ahuja aro tailaga team para Pakistan laga Sargodha Airbase te ekta surprise attack kuriikina taikhan laga bisi fighter plane ke barbad kuridisey. Etu attack tu Pakistan te bisi strong thakisey koikina maney.
Add Comment