New Delhi, March 19: Mashoor filmmkar Shekhar Kapur laga film ‘Bandit Queen’ tu Hindi cinema laga sobsey bisi behes chola film laga list te asey. Etu film te dacoit Phoolan Devi laga kahani dikhaisiley. Etu film tu theatre te olop homoi nimitey chola picheyte, censor board aro government para etu ke ban kuridisey. Hoilebi, etu film laga makers khan para Supreme Court of India te jaikina taikhan laga rights nimitey fight kurisey. Etu film tu successfully chola picheyte aro bisi saal taak mashoor hoikina thaka picheyte, etu film laga director Shekhar Kapur para tailaga X profile te jaikina etu film laga digital version ke loikina khusi napaikina thaka tu jataisey.
Ajikali Bandit Queen tu online platform(jaiseki Amazon Prime Video) te available asey. Shekhar para etu film ke recently online te saikina bhal laganai koikina express kurisey. Aro etu laga reason tu Online platform laga version te etu film ke edit kora aro taikhan ke nuhudikina kunba scene khan katidiya nimitey asey.
Shekhar Kapur para Online platform Amazon Prime Video ke etu film logotey khili-mili kora nimitey gusa jataikina enaka koisey, “Ami bhabna kuriasey ki OTT platform(jaiseki Amazon Prime Video) para amikey Bandit Queen tu ami bisi saal ageyte etu ke kinaka banaisey enaka banabole dibo na nai. Kunba para etu laga scene khan ke katikina etu film ke ekdam alag kuridisey. Hoilebi etu te etya bi Director laga jag ate amilaga naam dikina asey. Aro kun para bi amikey hudanai! Amikhan Western(jaiseki American) Directors khan para komti important asey naki? Kun logotey bi Christopher Nolan laga film tailaga permission noloikina bodli kuribole laga himmat kuribo?”
Add Comment