Mumbai, 20 March : Ito mahina laga shuru te, movie-lovers khan ekta nobo career Bollywood te shuru hoijaa dekhibole paise jabole actor Saif Ali Khan laga son Ibrahim Ali Khan laga debut hoise Nadaaniyan logot. Tai logot Sridevi laga choto meika Khushi Kapoor bhi ase, jun already dui ta film te kaam kurise jabole taikan laga teen rom-com OTT te release hoise. Ibrahim to industry te notun ase, hoilebi Khushi ke different scripts aru characters explore kuribole moka paise.
Tai laga debut film The Archies (2023) te Khushi Betty Cooper laga role play kurise, jun ekta sweet, sensitive aru caring character ase. Tai laga first theatrical release Loveyapa te Khushi ke vibrant, bubbly aru full of life Baani nisina dikhai dise. Kintu, next ki hobo?
Khushi laga films aru tai laga characters sob alak-alak hoise, hoilebi sob milaikina ekta light aru breezy genre te ase. Khushi Kapoor abhi ekta darker theme te kaam kuribo laga interest dikhai ase. Grazia India logot kotha kuri thaka homoi te, Khushi share kurise, “Moi hamesha curious thakise thriller-horror movie laga process ki nishna thakibo dikhibole. Hoi na ekdom horror nohoi hoilebi thoda dark type te. Moi ke interesting lagibo ekta slightly darker film explore kuribo. Moi dramatic aru emotional scenes kuribo bhal pai, aru moi karone laga film ekdom heavy note opor thakibo dikhibole interesting hobo.”
Khushi laga sister Janhvi Kapoor para thriller aru horror genre te already kaam kurikina experience paise, aru Khushi tai para note lobo pare. 2020 te Janhvi ekta nurse laga role play kurise Zoya Akhtar laga segment te horror anthology Ghost Stories te. Pichite, 2021 te tai funny scenes aru goosebumps di thaka scenes milaikina Roohi te dikhai dise, jun Dinesh Vijan laga Maddock horror comedy universe laga part ase.
Ami biswas ase ki fans khan bhi Khushi ke horror aru thriller film te dekhibole bhal paibo, jabole taike rich aru privileged Pia Jaisingh nisina dekhaise jun Ibrahim ke boyfriend hobo karone hire kurise Nadaaniyan te. Ki apuni bhi itu nimite excited ase naki?
Add Comment