Imphal, March 21, 2025: March 20 din te, Manipur Police khan para Kangleipak Communist Party laga 3da Cadre ke arrest kurishe koishe. Etu manu khan toh Aheibam Gandhi (35), Thongam Naoba Meitei (21) aru Ningthouba Momocha Singh ase koishe, taikhan ke Imphal West District laga Lilong Chajing Mamang Leikai para arrest kurishe koishe, aru etu jaga toh Singjamei Police Station laga bitor te ase koishe.
Etu 3da manu toh manu laga haat khan para dobor josh saman nahoilebi poisa khan loi thakhishe koishe. Aru taikhan laga haat para Gari ekta, Charta Mobile aru SIM Card khan paishe koishe.
Aru Security khan Hills aru Valley Districts khan te operation kuri kina banduk, bomb aru alak militants khan laga saman khan bi paishe koishe.
Imphal West District laga Apunlok Canal, Kangchup aru Singda Kadangband laga majo te, Security Froces khan para SLR aru Magazine, ekta pistol aru magazine, 10 cartridges, Duita 36 HE bomb, duita military Helmet, duita Bullet Proof jackets, charta local para bana laga bulletproof plates loha laga, aru Duita Baofeng wireless handset battery nathakhi kina paishe koishe.
Aru alak operation Thoubal District laga Yairipok Gwarok te kurishe,yete taikhan duita 7.62 mm SLRs, duita bi magazine khali thakhishe, aru 20 nishina .303 laga guli bi paishe koishe.
Add Comment