Dui jun muri jaishey 100-foot chariot girija pichideh mandir procession time te Karnataka te

Karnataka, 23 March 2025: Duita manu muri jaishey aro several jun jokom hoi jaishey kicha ekta 100-foot chariot giri jaishey ekta mandir procession time te Karnataka laka Anekal te. Achanak kara hawa aro dangor barish nimite chariot toh giri jaishey, tadeh dikha manu khan laka hisap pra. Chariot toh giri jaishey mandir laka osor te Huskur Madduramma Devi Jatra Mahotsava time te Saturday din te, Rohit (26 saal) Tamil Nadu pra auto driver aro Jyoti (14 saal) flower bika manu Bengaluru pra, taijun ke murai dishey. Ekta maiki aro mota ke b biya pra jokom kuri dishey aro echa ekta private hospital te treatment kuri ase. Video te dikhi pa nishina, dangor chariot toh aste pra ekta side toh lean kura shuru hoishey aro mati te giri jaishey. Thousands devotee kun chariot laka osor te jama hoi kina thaki shey, hatsa pichideh olai jaishey. Etu hatsa laka jawab te, officials khan pra bachi ja chariots toh olai dishey weather conditions toh biya hwa nimite. Manu laka mojut te gusa hoishey local authorities khan tayari Nathaka opor te. Bishi manu, rasta side laka vendors aro daily wagers khan milai kina, duk pai thaki shey unpaid medical bills karne. Victim laka ghor manu aro jokom hwa khan alleged kuri shey ki administration khan financial support dibo pari nai. Residents khan officials khan ke criticized kuri shey hatsa hwa jaka toh visit nakura karne nahoi leh duk pa families khan le madat nakura karne. Investigation ja ase, tadeh case registered kuri shey police station te.