Uttar Pradesh, 24 March 2025: Ekta chokra mota Uttar Pradesh laka Kanpur te tai laka baba laka body ghor te accompany kuri thaki shey funeral nimite bike te. Hoileh b tai karne b fate same thaki shey aro tai rasta te muri jaishey heart attack pra. Baba aro bacha ke b olop deri hoi kina eki lokot dapai dishey. Laiq Ahmed, Kanpur laka manu, private nursing home te muri jaishey March 20 te, tai laka health toh biya hwa pichideh. Tai laka bacha Atiq, kun tai laka baba ke bishi devoted thaki shey, doctors khan laka death declaration toh accept kuribo pari nai aro body toh hospital te loi jaishey cardiology te specialised kura, alak outcome hope kuri kina. Hoileh b doctors khan Laiq Ahmed laka death toh reaffirmed kuri shey. Ghor manu khan Laiq Ahmed laka body toh ambulance te loi ja time te, Atiq tai laka bike pra osor te pichi kuri thaki shey. Mon dur hoi kina Atiq sudden heart attack suffer kuri shey aro jaka te giri jaishey.
Local manu khan police ke janai dishey aro Atiq ke hospital te loi jaishey, Hoileh b taike bachabo pari nai aro doctors khan tai laka death toh confirmed kuri shey. Baba aro bacha laka funeral b eki lokot thaki shey, etu pra ghor manu aro locals khan ke bishi mon duk te chari dishey etu loss pra. Atiq, Laiq Ahmen laka duita bacha pra chutu laka, tai toh baba lokot bishi close thaki shey, ekta ghor manu pra koishey. Tai toh shadi kura manu ase aro maiki bacha b ase. Baba bacha laka body duita b local burial ground te dapai dishey.
Add Comment