March 28, 2025: March 25, 2025 din te, Duita Mawpdeng para Bosti para durishe koishe, Assam-Meghalaya Border osor te. Yete taikhan laga haat para Banduk aru Haati laga suka manso bi paishe koishe.
Etu manu toh Qurenius Muktieh ase, aru tai toh 27 saal ase, tai toh Korhadem Bosti para ase koishe, aru alak wala toh Jethril Umbah ase, tai toh 32 saal ase Pamlatar para. Tai dujun ke Ri-Bhoi District laga Umsiang OP bitor laga Authorities khan ke didishe koishe.
Yete durea loi kina, tai dujun ke Medical exam karne loi jaishe koishe. aru taikhan laga banduk aru Haati laga suka manso khan toh abnalysis nimete loishe. Etu arrest toh haati laga manso thakhea karne kurishe koishe.
Yete Forest Officials khan para koishe ki, duita haati nishina murishe koishe, ekta toh 2024 laga November moina te, aru alak wala toh March 18, 2025 din te thakhishe. Yete etea arrest kurea khan ke suspect ase koishe. Yete taikhan para Khanapara Police Station te case toh dali dishe koishe.
Add Comment