March 29, 2025: March 28 din te, Security Forces khan para domination excercises khan kurishe. Yete taikhan banduk, banduk laga guli aru Bomb khan paishe koishe, Manipur laga Hill Aru Valley Districts khan te para.
Bishnupur District laga Naranseina aru Sunnusiphai bosti jaga khan te Operation kurea homoi te, Security Forces khan para hatiar khan paishe. Yete Excalibur Banduk rifle aru duita khali magazines, carbine Machine banduk aru ekta khali magazine, duita .303 sniper rifles aru ekta khali magazine, 7.65mm pistol aru khali magazine, Russian para bana laga Pistol aru duita khali INSAS LMG Magazine paushe. Guli khan toh, Duita .32 Caliber live rounds, 7.62mm CTN laga 20 guli, .38 caliber laga 50guu aru .303 laga 10 guli paishe.
Aru Bomb khan toh, No.36 hand grenade, hand grenade detonator, 15 packet Power Gel (801) Bomb, 32mm 200gm bomb aru fuse aru Duita Improvised Exposive Devices (IEDs) toh 3.42 KG ase koishe.
Aru taikhan parabi 17 bulletproof helmets, 26 bulletproof plates, 10 bulletproof Jackets, Kenwood wireless duita chargers, 3da Baofeng Wireless sets aru Tactical Magazine daba. Aru alak hatiar khan bi bishi paishe koishe.
Add Comment