Shillong, March 29, 2025: Yete etea National Highway -6 te Rasta repair kurea laga kaam toh duita moina te khotom kuribole paribo nishina ase.
Ageate Sutnga-Saipung MLA Santa Mary Shylla, along with the Deputy Commissioner, Superintendent of Police, Project Director of NHAI, contractors aru alak officials, khan utu jaga te jai kina kaam khan toh kinaki jai ase saishe koishe.
Aru nasa agea te taikhan meeting loishe koishe. Aru BHAI Official para report kurishe ki, 65 per cent kaam khan toh khotom hoishe koishe, aru bachea khan toh duita moina para khotom kuribole paribo koishe. East Jaintia Hills Deputy Commissioner, Shivansh Awasthi para sa homoi te koishe ki, Administration khan toh NHAI khan logote mili kina kaam kurea ase koishe. Aru etu kaam toh phat khotom kuribole karne, taikhan para Bhari gari khan ke birabole nadea koishe 9 AM para 5 PM tak.
Hoilebi, Sonapur, bishi bak Kuliang, Umkiang aru Ratacherra khan laga halat toh bishi bia hoi kina ase koishe. Etu nimete NHAI khan te tarika khan lobole koishe, yete aru kaam kurea manu khan ke aru machine khan bi aru anibolebi koishe, yete kaam toh phataphat khotom kuribole karne.
Add Comment