Chandigarh, March 29: Chandigarh te ek special CBI court para Saturday din te ekta retired judge Justice Nirmal Yadav ke tai galat kaam koranai koikina declare korise. Eitu 2008 laga case laga bari te asey, kuntu toh Rs 15 lakh cash thaka packet kuntu Justice Nirmal Yadav nimitey thakisey etu toh dusra judge, Justice Nirmaljit Kaur laga ghor te pungchisey . Justice Yadav (retd) tu Punjab aru Haryana High Court te sitting judge thakisey.
Special CBI Judge Alka Malik laga court para Saturday din te final order pronounce kori dise. Case te thaka dusra accused manu bhi bekasur sabit hoisey.
“Moi eku golti kaam koranai, aru pura trialmoilaga khilaf te eku evidence panai,” koikina Justice Yadav (retd) para final statement te koise.
Eitu case 13 August 2008 laga asey, jitia ekta clerk, jkun Justice Kaur laga ghor te thakise, tai ek packet Rs 15 lakh cash receive kurisey. Kotha tu etu ase ki eitu packet tu asol te Justice Yadav nimite thakisey, hoilebitaikhan duijun laga naam hunibole olop ekey nisna huwa karney, poisa tu golti para dusra judge laga ghor te pungchisey.
Justice Kaur para utu homoi laga Chief Justice of Punjab and Haryana High court aro Chandigarh Police ke inform kuridisey, aru etu picheyte 16 August 2008 te ekta First Information Report (FIR) register hoise. Hoilebi 10 din picheyte, utu homoi laga UT Administrator, General (retd) S F Rodrigues, eitu case ke Central Bureau of Investigation (CBI) laga logot transfer kori dise, aru 28 August 2008 te ekta fresh FIR register hoise.
Investigation kora time te etu janisey ki etu poisa tu ekta clerk para deliver kurisey, kun former Haryana Additional Advocate General Sanjeev Bansal laga clerk thakisey. Bansal para Justice Kaur ke call kurikina etu poisa tu asol te justice Niral Singh laga thakisey hoilebi kolti para tailaga ghor te pungchisey koisey.
January 2009 te, CBI para Justice Yadav ke prosecute koribo nimite sanction loibole try kurisey. High Court November 2010 te eitu sanction di dise. Justice Yadav CBI laga move ke challenge kurisiley, hoilebi success hoibo napare. India laga President office March 2011 te prosecution sanction approve kori dise, aru tatey pora CBI para month te chargesheet file kurisiley.
Trial laga course te, prosecution 84 witness ke cite kori dise, hoilebi khali 69 witness ke examine kurisey. Etu saal laga February te, High Court para CBI ke 4 hapta bhitor te 10 witness ke aro re-examine kuribole allow kurisey, aru trial court ke bhi koisey ki misa-misi adjournment(homoi extend kuribole) naparibo
Add Comment