Delhi flat malik ke dhuri shey maiki laka body bed box te pa pichideh, mota toh run te ase

Delhi, 30 March 2025: Maiki laka body decomposed hoi kina bed box laka bitor te pai kina east Delhi flat te ek din pichideh, police khan pra landlord ke dhuri shey aro aro jun ke, victim laka mota laka aide, Bharatiya Nyaya Sanhita laka relevant sections under te murder nimite. Police laka hisap pra, mota toh echa b kute ase najaneh incident pichideh. Ekta accused, Vivekanand Mishra, landlord kun ke police custody te loishey Friday din te aro Saturday din te dhuri shey. Interrogation time te, tai pra crime toh admit kuri shey aro janai dishey duita manu laka involvement- mota laka aide, Abhay Kumar aro mota, kun echa b polai ase. Police khan pra koishey duita accused b koshis kuri thaki shey investigation toh mislead kuribo leh, aro koishey murder laka motive toh jani pabo kicha mota ke dhuribo. Friday din te, Delhi Police khan PCR call paishey Vivek Vihar pra biya ghunda laka smell lokot, ekta DDA flats pra aha.  Jaka te puncha pichideh, police khan 65 saal ghor laka malik ke dhuri shey Srajmal Park osor te Anand Vihar te aro subsequently detained kuri shey. Case toh light te ani kina, police khan pra koishey 35 saal victim, Anjali, tai laka mota ke dhuri shey ekta compromising position te alak duita accused lokot taikhan laka Delhi flat te, new agency PTI pra report kuri shey. Mota laka affair jana pichideh, maiki toh tai laka parents laka ghor chari shey Punjab’s Ludhiana te, PTI report kuri shey, police official ke cite kuri kina. March 21 te Anjali laka mota Ashish pra taike wapas Delhi te anishey. Dui din pichideh Ashish aro tai laka aide aro landlord taike murai dishey, body toh bed box te rakhi dishey aro Jaipur te polai jaishey, tadeh Abhay laka cousin ghor te bhui ase.