California, 4 April : Stephen Curry 37 points score kori dise, aru Golden State Warriors LeBron James aru Los Angeles Lakers logot blockbuster NBA Western Conference match te 123-116 jit paise Thursday din, ekta dangor important game te.
Curry — juntu Tuesday din Memphis logot match te 52 points score kori thakise — third quarter te tar usual style te bisi points score kori Lakers logot laga game olop olop uthai loi dise.
Brandin Podziemski bhi Warriors jonno bhal perform kori dise, 10 ta three-point try pora 8 ta marise aru 28 points score kori dise, juntu Warriors ke laga fourth straight jit te jai thakibole help kori dise.
Lakers side pora 40 saal laga LeBron James 33 points score kori lead dise, aru Austin Reaves 31 points score kori dise, juntu te 9 ta three-pointer thakise, last fourth quarter te dangor excitement dekha dise.
Ita jit pora Golden State playoff te direct entry lobo jonno ekdom najik ahi jise, 45-31 record loi fifth place te ase. Lakers khan 46-30 record loi fourth place te ase, aru third place te thaka Denver (47-30) laga ekdom nishe ase
Add Comment