Arsenal laga Premier League title laga sabna khotom

UK, 06 April 2025: Saturday din Goodison Park te, Everton logot 1-1 draw hoi kena Arsenal laga Premier League title hope aru komti hoise. 21 saal para title jiti bole laga chance thaka komti hoise, karon Liverpool para 11 point piche ase, jun khan ekta match hath te ase. Leandro Trossard Arsenal karone ekta bhal goal marise, Raheem Sterling laga assist pora. Kintu second half te, Myles Lewis-Skelly laga ekta foul Jack Harrison opor te aru referee penalty dise. VAR check bishi time loise, kintu Iliman Ndiaye cool thaki kena penalty marise, David Raya ke wrong side pathai dise. Arsenal manager Mikel Arteta koise, “Result karone moi khushi nahoi. Everton ekta dikdar jagah ase, physical team ase. Start of second half te amikhan bhal thakanai.” Arteta ahialaga Champions League match Real Madrid logot thakibole karone bishi main players bench te rakhise, Saka, Odegaard, Martinelli, aru alak khan. Arsenal first half te dominate kurise, hoilebi goal score komti thaka karone problem hoise. Second half te Saka aru Martinelli ke pathaise, hoilebi Everton bishi jolti para equalise kuri loise. Raya ekta bhal save kurise Doucoure laga shot ke, aru last te Odegaard aru Mikel Merino duita chance miss kurise. Everton 14th position te uthise, 15 point para clear hoishe relegation zone para. Manager David Moyes koise, “Ami khan safe hobo para ase. Aru alak manu khan moi khan thaka laga position te ahibole bishi duk hobo.” Moyes koise, “Moi bhabise jodi Everton ke relegation loi jabo, tai laga disaster hobo. Hoilebi players khan bhal response dise.”