California, 7 April : Top seed Jessica Pegula ekta tough match te Ekaterina Alexandrova ke 6-2, 2-6, 7-5 score te haraise Saturday din Charleston Open laga semi-final te, aru etiya tai laga fourth final match hobo season te, juntu te tai laga opponent hobo same desh laga player Sofia Kenin.
Pegula first five game jiti thaka karone match ekdom easy thakibo nisina lagise, kintu Alexandrova ulta marise aru Pegula ke dusra level te perform koribole lagise. Last te tai ekta backhand winner down the line diya pora match jitiluishe.
Later Saturday din, Sofia Kenin final te reach korise, karon tai laga opponent Amanda Anisimova injury paise aru first set te match retire korise.
Match te Pegula first game te backhand winner diya pora Alexandrova ke break korise. Third game te bhi Alexandrova laga double fault aru ekta wide shot diya pora Pegula aru eta break loi jaise. Pichite, fifth aru sixth game te duijon break exchange korise.
Dusra set te, 26th-ranked Russian Alexandrova laga form improve hoise. Tai Pegula ke sixth game te break korise ekta bhal forehand shot diya pora, aru set point te bhi ekta forehand winner diya pora set jitishe.
Final set te, duijon bar bar break exchange korise — total tin bar. Last te, 11th game te Pegula ekta perfect backhand net te diya pora Alexandrova ke forced error te break korise, aru 2 hours 21 minutes laga intense match finish korise.
Itu Pegula laga 24th match win ase this year te, juntu WTA te sob pora beshi.
Anisimova season te strong start korise, February te Doha te title jiti 3 saal laga title drought end korise, kintu Charleston Open te tai laga run short thakise. Kenin fourth game te ek break up thaka somoy, Anisimova injured hoi jai, hip injury hisap te dekhaise. Tai physio mangise aru try korise continue koribole, kintu finally score 5-2 thaka somoy retire korise.
Charleston Open — North America laga largest women’s-only tennis tournament etiya first time 1990 pora ekta All-American final dekhibo.
Add Comment