Paris, 15 April : Red Bull laga season shuru te performance bhal na thaka karone, team ekdum try kori ase ki kore improve koribo paribo, karon Sunday din Bahrain Grand Prix te four-time Formula One world champion Max Verstappen to sirf sixth place te finish korise.
Red Bull laga car setup, balance problem, pit stop aru Friday practice session sob ekhon ekhon kori focus te aahi jaise.
“Concern to dangor ase,” koi ase Red Bull laga adviser Helmut Marko, Sky Germany logot kotha kuri thaka time te, juntu The Athletic te report kora hoise.
Verstappen 2023 season te dominate kori thakise—22 ta Grand Prix race pora 19 ta jeetise aru 21 bar podium finish kori thakise.
Last season te bhi Verstappen 9 bar jeetise, kintu team championship Red Bull pora McLaren ke dia dise. The Athletic laga report hisab te, Red Bull laga balance problem to tai time te shuru hoise aru etiya bhi continue kori ase. Itu problem fix koribo karone long-term solution lagibo.
F1 analyst Ralf Schumacher, juntu Sky te ase aru 11 season te 6 race jeetise, koise ki jodi improve nai hoi, taile Verstappen Red Bull chari dibo bhi pare.
Etia Verstappen to four race pora driver standings te third te ase, leader Lando Norris pora 8 point niche aru Oscar Piastri pora 5 point niche, duita bhi McLaren laga driver ase.
Constructors’ Championship standings hisab te McLaren laga point ase 151, Mercedes laga 93 aru Red Bull laga 71 ase.
Jodi hoile bhi Verstappen 2028 porjonto Red Bull logot contract te ase, Marko koise ki out clauses bhi ase.
Add Comment