Tin jun muri shey, hundreds ke bachai dishey J&K flash floods aro landslides te

Jammu and Kashmir, 20 April 2025: Flash Floods intense overnight barish pra trigger kura Dharamkund bosti te nuksan kuri dishey, Cheban nodi osor te Jammu and Kasmir laka Ramban district te. Tadeh tin jun manu muri shey aro ekta manu hari shey. Natural calamity, landslides hailstorms aro kara hawa khan milai kina, property aro building khan ke bishi nuksan kuri shey. Bishi families khan ke displaced kuri shey aro National Highway khan block kuri shey bishi jaka te. Local authorities hisap pra, pani level osor nallah toh dupi paishey bishi barish hwa karne. Etu pra flash flood hoishey kun toh Dharamkund bosti te jaishey Chenab bridge osor te. Dosta ghor toh pura puri biya kuri dishey aro 25-30 nishina toh olop nuksan hoishey. Etu khan nuksan hoi kina b, Dharmakund police aro district administration pra joldi response pra 90 -100 manu nishina laka safe evacuation kuri shey kun affected jaka te phasi kina thaki shey. Senior superintendent of Police (SSP0 Ramban, Kulbir Singh pra confirmed kuri shey ki tinjun manu, duita bacha milai kina muri shey ghor giri kina Bagna bosti te barish over giri karne.