India, 23 April 2025: Actor Yami Gautam aru Emraan Hashmi ekta dangor legal case upor te based kura ekta powerful courtroom drama te lead role loishe, jun tu 1985 Shah Bano vs Ahmed Khan case upar based ase. HT City laka exclusive report hisap te, actor duitah toh film tu shooting khotom korishe. Etu film tu director Suparn S Varma laga courtroom trilogy laga second part ase. First film tu Sirf Ek Bandaa Kaafi Hai (2003), juntu te Manoj Bajpayee thakishe.
Yami Gautam Shah Bano laga role loishe, tai ekta Muslim maiki film laka centre te, aru Emraan Hashmi laga character tu tai laga ex-husband Ahmed Khan pora inspired ase. Ekjon source janai dishe, “Yami aru Emraan ekta strong courtroom drama te lead role korishe aru shooting schedule already khotom korishe. Script tu authentic banabo karone dangor research korishe, aru film te bishi intense aru lamba courtroom scenes ase.”
Film tu Lucknow laga alak alak jagah te shoot korishe, Kakori aru Sandila bhi include ase etu jagah kan te. Etu film tu dangor emotional aru legal issue khan dekhabo karone try koribo, juntu case tu India te women’s rights aru religion law upor te dangor discussion uthaishey.
Etu 40th anniversary ase Supreme Court laga verdict de kina, juntu Muslim woman khan ke divorce hobo pora maintenance claim koribo right dishe. Film tu October nohoile November month te global release kuribole plan ase, aru intense performance aru strong dialogue promise kori ase.
Add Comment