US, 23 April 2025: Tinta franchise film banai kena pichete, Ryan Coogler nijor sabse dangor aur personal kaam loikhina ai ase: Sinners. Vampire thriller juntu Hollywood upor te ekta strong message bhi ase. Coogler Marvel logot kaam kori kina experience pora compare korile, studio system ke vampire kan nishina compare kuri ase—Black culture upor profit uthai thaka, kintu nijor creators ke limit kori thake.
Michael B. Jordan duita role loi ase, SmokeStack twins act kore film te. Sinners laka story toh 1930s Mississippi te set ase, jintu twins ekta blues club khulibo try kore, nijor gangster kora laka past lukai kina. Taikan logot thaka ekta cousin Sammie, ekta beshi gifted musician ase, juntu nijor talent ke protect koribo aru expose koribo majote te pasigina ase. Aro ekta Irish vampire, Remmick, juntu Hollywood laga metaphor hisab te dekhai jai, Sammie ke poisa aru fame dibole promise Kure.
Film tu vampire myth use kori kina ja toh, identity, integrity, aru compromise laga theme explore kore. Coogler nijor Black Panther pora Oscar nomination paishe, kintu Black filmmaker jon expectation aru pressure face korishe—etu story tai aru characters majo te survival aru self respect laka reflect kore.
Sinners ekta genre film nohoi, ekta statement ase. Coogler janai she ki Black artists kan ke industry te enii naloi hoilebe jitia taikan etu system ke challenge kure etu time te welcome kure. Ekta dialogue ase, “White man blues ke bhal pai, kintu blues banai thaka manuh ke bhal napai.” Coogler Sinners logot ekta bold message dishe—aru nijor awaz wapas loi loishe.
Add Comment