Paris, 24 April : Director Payal Kapadia ke prestigious French civilian honour Officier dans l’Ordre des Arts et des Lettres diya hoise, tai laga cinema te bisi bhal contribution karone.
Payal Kapadia laga first feature film All We Imagine As Light, jun tu ekta Indo-French co-production ase, last saal Cannes Film Festival te dangor Grand Prix award jiti thakise.
Mumbai te jonma hua Payal Kapadia ke etu honour French government laga taraf pora diya hoise, aru Wednesday din Mumbai te hobo ekta ceremony te Jean-Marc Sere-Charlet, Consul General of France in Mumbai, tai ke etu award dia thakise.
Press release te kowa hoise ki Payal Kapadia ke etu award diya hoise, karon tai cinema field te bisi bhal kaam korise, India laga unique awaz khan ke duniya ke dikhai disey, aru France aru India laga culture ke eklogot anibo te dangor role play korise.
Officier dans l’Ordre des Arts et des Lettres hoise France laga ekta highest honour, jun tu art aru literature te dangor contribution kora manu khan ke diya jai.
Add Comment