New Delhi, 26 April : Content creator aru influencer Misha Aggarwal Thursday din dunia chari dise, tai laga 25th birthday ahibole duidin bachi thakite. Tai laga death laga khobor fans aru followers ke ekdom shock kori dise. Misha laga family members tai laga Instagram profile te ekta post share kori tai laga demise confirm kori dise. Kintu, tai laga death karon eto tak janai nai.
Friday din, Misha laga family official statement tai laga Instagram page te share korise. Kintu etu post te sudden death laga reason bisar te kunuba kotha nai. Misha laga fans etu statement padhikena surprise feel korise. Ekhan dikh te, anek manu comment kori duk express korise aru tai laga atma karone prayer korise.
Statement te likha ase, “Misha Aggarwal, April 26, 2000 – April 24, 2025. Duk laga mon te amikhan etu khobor share koribo lagise ki Misha Aggarwal dunia chari dise. Tai aru tai laga kaam karone juntu love aru support diya, hokoloke dhanyobad. Aji tak amikhan etu dangor loss accept koribo try kori ase. Tai laga spirit ke mon te rakhiloi, aru tai karone prayer koriloi amikhan request kori ase.”
Add Comment