New Delhi, 26 April : April 22 din Pahalgam, Jammu aru Kashmir te hua recent terrorist attack pura desh ke hilai dise. Itu dangor duk laga incident te 26 jon innocent tourists laga jaan jai dise aru dangor manu injure bhi hoise. Entertainment industry laga dangor-dangor celebrities aru artists bhi etu incident ke condemn kori, duk express korise. Shreya Ghoshal pora Papon logot milaikena bisi artists nijor upcoming concerts aru events cancel koribo faisla korise, respect dekha bole karone.
Social media handle te Bollywood singer Shreya Ghoshal ekta joint post share kori janai dise ki organiser aru artist milikena faisla lobo dise ki tai laga ‘All Hearts Tour’ laga upcoming Surat show, juntu April 26, 2025 din hobo thakise, cancel kori dise. Caption te likha ase, “Shreya Ghoshal laga Surat show April 26th te cancel hoise. Amikhan chup thaki aru solidarity dekhaikena, pura duk laga manobole, affected manu khan karone heartfelt condolences diya ase.”
Renowned singer Arijit Singh bhi Instagram te update share kori janai dise ki tai laga Chennai show bhi cancel hoise, Pahalgam attack ke respect dibole. Tai organiser laga IG story re-share kori inform korise. Tai laga show Sunday, April 27, 2025 din Chennai te hobo thakise.
Indian playback singer aru composer Papon bhi tai laga Instagram profile te story share kori janai dise ki tai laga Ahmedabad show cancel hoise. Tai laga concert April 26, 2025 din, rati 8.30 PM pora hobo thakise. Organiser khan confirm korise ki sob ticket holders khan ke full refund diya jabo. Papon laga Instagram story aru cancellation update bhi dekhibo paise.
Music industry laga artists khan he nohoi, Bollywood actor Aamir Khan bhi Mumbai te hobo thaka tai laga cult-classic movie ‘Andaz Apna Apna’ laga special screening skip korise, etu tragedy ke respect dibole karone.
Add Comment